Prezident: "Ermənistanı təcrid edilmiş vəziyyətə saldıq"

Prezident: "Ermənistanı təcrid edilmiş vəziyyətə saldıq" “Bu gün Ermənistanı təcrid edilmiş vəziyyətə saldıq. Bizim transmilli layihələrimiz regionda tamamilə yeni mənzərə yaradıb. Biz regionun enerji xəritəsini, nəqliyyat xəritəsini yenidən tərtib etdik”
Qarabağ
1945
8 Noyabr , 2020 13:08
Prezident: Ermənistanı təcrid edilmiş vəziyyətə saldıq
İlham Əliyev

Şuşa işğal altına düşəndə bizim əsas problemlərimiz həm o idi ki, ordumuz yox idi, rəhbərlik öz vəzifə borcunu yerinə yetirə bilmirdi. Beynəlxalq müstəvidə Azərbaycan demək olar ki, bütün ölkələrlə münasibətləri gərginləşdirmişdi. Biz demək olar ki, təcrid edilmiş vəziyyətdə idik. Ancaq bu gün biz Ermənistanı təcrid edilmiş vəziyyətə saldıq.

"Report" xəbər verir ki, Prezident İlham Əliyev bu barədə xalqa müraciətində bildirib.

Dövlətimizin başçısı deyib: “Bizim transmilli layihələrimiz regionda tamamilə yeni mənzərə yaratdı. Biz regionun enerji xəritəsini, nəqliyyat xəritəsini yenidən tərtib etdik. Bizim təşəbbüsümüzlə reallaşan layihələr təkcə bizim xalqımızın maraqlarını təmin etmir, bir çox ölkələrin maraqlarını təmin edir, o cümlədən region ölkələrinin.

Qonşu ölkələrlə bizim həm ikitərəfli, həm üçtərəfli əməkdaşlıq formatlarımız vardır. Bütün bunlar Azərbaycanın beynəlxalq nüfuzunu böyük dərəcədə gücləndirdi. Əgər bu nailiyyətlər olmasaydı, problem dondurulmuş vəziyyətdə qala bilərdi”.

Son xəbərlər

Orphus sistemi