Peter Siyarto: Qarabağın bərpa işlərində iştirakla bağlı planımız noyabra qədər hazır olacaq

Macarıstan Azərbaycanın işğaldan azad edilmiş ərazilərində bərpa işlərində iştirak planı hazırlayır.

“Report” xəbər verir ki, bunu Macarıstanın xarici işlər və ticarət naziri Peter Siyarto Bakıda keçirilən Azərbaycan-Macarıstan Hökumətlərarası Komissiyasının 10-cu iclası zamanı deyib.

“Macarıstan Qarabağda gedən bərpa işlərində iştirak plan hazırlayır. Bu ilin noyabrına qədər bu plan hazır olacaq, o, bizə Macarıstan şirkətlərinin iştirak edə biləcəyi fəaliyyət sahələrini müəyyən etməyə imkan verəcək”, - P.Siyarto bildirib.