MN: Azərbaycan Ordusunun PUA-ları tam tərkibdə sıradadır və itki yoxdur

Ermənistan kütləvi informasiya vasitələrində guya Azərbaycana məxsus PUA-nın vurulması barədə növbəti dezinformasiya xarakterli məlumat yayılıb.

Azərbaycan Müdafiə Nazirliyindən "Report"un sorğusuna cavab olaraq bildirilib ki, bu xəbər həqiqətə uyğun deyil:

"Azərbaycan Ordusunun bölmələrinə məxsus PUA-lar tam tərkibdə sıradadır və itki yoxdur".

Nazirlikdən bildirilib ki, təqdim olunan fotodakı PUA-nın hazırda işğal olunmuş ərazilərdə Ermənistan silahlı qüvvələrinin keçirdiyi təlimlərdə “şərti düşmən” hədəfi kimi istifadə edilən kobud formada hazırlanmış maket olduğu istisna edilmir.