İrlandiyalı səyyah: Qarabağda basdırılmış minaların sayını öyrənəndə şoka düşdüm

Minalarla çirklənmə Azərbaycan üçün ən ciddi problemlərdən biridir.

"Report"un Qarabağa ezam olunan əməkdaşının məlumatına görə, bu barədə jurnalistlərə Füzuli rayonunda minaların təmizlənməsi prosesini müşahidə edən irlandiyalı səyyah Nayl O'Murçada deyib.

"Qarabağda bir mina partlayışının nə qədər böyük ziyan vura biləcəyini və nə qədər mina basdırıldığını öyrənəndə real partlayışı görmək daha pis idi. Səs-küy və titrəyiş məni sarsıtdı", - o bildirib.

Səyyahın sözlərinə görə, minatəmizləmə Azərbaycan üçün ən çətin məsələlərdən biridir: "Yolları, binaları bərpa etmək kimi əksər problemləri zamanla aradan qaldırmaq olar. Amma qorxuram ki, bütün minalardan tam xilas olmaq çox vaxt aparacaq".