İran saytında Qarabağı Ermənistan ərazisi kimi göstərən şəxs üzr istəyib

İran saytında Qarabağı Ermənistan ərazisi kimi göstərən şəxs üzr istəyib İran səfirliyindən “Report”un sorğusuna cavab olaraq elanı yerləşdirən şəxsin Qarabağın Azərbaycana aid olduğunu bilmədiyi və səhvinə görə Azərbaycan müsəlmanlarından üzr istədiyi bildirilib
Qarabağ
771
21 Avqust , 2021 19:17
İran saytında Qarabağı Ermənistan ərazisi kimi göstərən şəxs üzr istəyib

İranın “Jooiakar.com” saytında Qarabağa göndəriləcək işçilərin işə götürülməsi ilə bağlı elan yerləşdirilib.

Elanın mətnində Azərbaycanın beynəlxalq səviyyədə tanınmış və işğaldan azad edilmiş Qarabağ regionu Ermənistan ərazisi kimi göstərilib.

“Ermənistanın Qarabağ regionunda işləmək üçün ixtisaslı və qeyri-ixtisaslı ustalara ehtiyac var. İşçilərin saxlanması üçün bütün xərcləri şirkət öz üzərinə götürür”, - elanın mətnində deyilir.

İran İslam Respublikasının Azərbaycandakı səfirliyi “Report”un sorğusu əsasında saytda elan yerləşdirən şəxslə əlaqə saxlayıb. Səfirlikdən bildirilib ki, elanı yerləşdirən şəxs Qarabağın Azərbaycana aid olduğunu bilməməsinə işarə edib və səhvinə görə Azərbaycan müsəlmanlarından üzr istəyib.

Saytın rəsmisi reklamı tezliklə “Jooiakar” saytından və bütün sosial şəbəkələrdən siləcəyinə də söz verib.

Son xəbərlər

Orphus sistemi