İbrahim Kalın: “30 il həll olunmayan Qarabağ münaqişəsi 44 günlük müharibədə həll edildi”

Otuz ildir həll olunmayan Qarabağ münaqişəsinin necə həll ediləcəyi ilə bağlı ötən ilə qədər heç kimin təsəvvürü olmadığı halda problem 44 günlük müharibə nəticəsində həll edildi.

“Report” “Haber Global”a istinadən xəbər verir ki, bunu Türkiyə Prezident Administrasiyasının sözçüsü İbrahim Kalın deyib.

"Heç kimin gözləmədiyi inkişaf oldu. 10 il əvvəl "Türkiyə-Azərbaycan 44 gün kimi qısa zamanda bir araya gələcək, Qarabağın işğaldan azad edilməsi təmin olunacaq desəydi, yəqin hamımız buna şübhə ilə yanaşardıq. Elə bir fürsət və şərait yarandı ki, Qafqazın ən fundamental məsələsi qısa zamanda həll olundu. Türk Hava Yolları Yerevana uçuşlara başladı. 30 il sonra Türkiyə və Ermənistan arasında normallaşma prosesi gedir”.