İran parlamentinin sədri: “Qarabağ böhranının həlli üçün əlimizdən gələni edirik”

Bakı. 11 dekabr. REPORT.AZ/ “İran Qarabağ böhranının həlli üçün əlindən gələni edir”.

“Report” İran KİV-inə istinadən xəbər verir k, bunu İran parlamentinin sədri Əli Laricani İran-Ermənistan parlamentlərarası Dostluq Qrupunun Ermənistandan olan nümayəndə heyəti ilə dekabrın 11-də keçirdiyi görüşdə bildirib.

“Bu problemin sülh və dostluqla başa çatacağına ümid edirik. Hesab edirik ki, siyasi qarşıdurmaları başa çatdırmağın ən yaxşı yolu müzakirə və danışıqlardır. Bölgədəki şərait gərginliyin artmasının heç kimin xeyrinə olmadığını göstərir”, - Ə.Laricani vurğulayıb.

O, Ermənistanla ölkəsinin dostluğunu vurğulayaraq deyib: “İran yardım əli uzatdığı ölkəyə axıradək köməklik göstərir. İraq və Suriya bunun aşkar nümunəsidir. Biz sonadək onların yanındayıq”.

Ə.Laricani İran-Ermənistan sərhədi yaxınlığında azad ticarət zonasının uğurla fəaliyyət göstərəcəyindən danışıb.