İlham Əliyev: "Biz öz torpağımızda vuruşuruq"

5 Aprel , 2016 13:26

Bakı. 5 aprel. REPORT.AZ/ Azərbaycanın Ali Baş Komandanı, Prezident İlham Əliyev cəbhə bölgəsində ermənilərin hücumunu dəf edərkən yaralanmış və şəhid olmuş hərbçilərin ailə üzvləri ilə görüşüb. "Report"un məlumatına görə, Prezident sonuncu baş verənlərin ermənilərin birinci təxribatı olmadığını deyib: "Azərbaycan Ordusunun qəhrəman zabit və əsgərləri düşmənin təxribatının qarşısını alıblar. Düşmənin layiqli cavabını verdi və təmas xəttində öz üstünlüyünü daha da möhkəmləndirdi.

Ermənilər yaşayış yerlərini atəşə tutub, mülkü əhalidən yaralananlar var. 300-ə yaxın evə ziyan vurulub. Azərbaycan əsgəri, Azərbaycan zabiti isə heç zaman mülkü əhaliyə qarşı vuruşmayıb, vuruşmur, vuruşmayacaq. Biz öz torpağımızda vuruşuruq, öz torpağımızı qoruyuruq. Bizim işimiz haqq işidir".