Gəncədə “Unudulmaz Tarix” adlı tədbir keçirilib

Gəncə şəhərində Təhsil Nazirliyinin dəstəyi, 3 nömrəli Uşaq-Gənclər İnkişaf Mərkəzinin təşkilatçılığı ilə Gəncədə törədilən erməni terrorunun ildönümünə həsr olunmuş “Unudulmaz Tarix” adlı tədbir keçirilib.

"Report"un Qərb bürosu məlumatına görə, tədbir çərçivəsində məktəblilər Gəncə şəhər ASAN xidmət binasının qarşısından terror törədilən məkanadək yürüyüş keçirib.

Həmçinin 3 nömrəli və Gəncə şəhər Uşaq-Gənclər İnkişaf Mərkəzlərinin istedadlı şagirdlərindən ibarət kollektivlərin iştirakı ilə ədəbi-bədii kompozisiyalar təşkil edilib.