Ermənistan rəsmisindən etiraf: “1 600 erməni hərbçisi hələ də itkindir”

İkinci Qarabağ müharibəsində itkin düşən erməni hərbçilərlə bağlı yeni statistika açıqlanıb.

“Report”un xəbərinə görə, Əsgərlərin Sığortalanması Fondunun direktoru Varujan Avetikyan bildirib ki, döyüşlərdə iştirak edən 1 600 hərbçidən hələ də bir xəbər yoxdur və onlar itkin düşmüş sayılırlar.

“Fevralın 10-dan başlayaraq itkin düşmüşlərin ailələri onların yaxın qohumunun itkin düşmüş kimi tanınması üçün məhkəməyə müraciət edə bilərlər. İtkin düşmüşlərin yaxınları məhkəməyə müraciət etmək üçün prokurorluğun Vəkil Palatasının xidmətindən pulsuz yararlana bilərlər”, - fond rəhbəri deyib.