Dövlət Bahçeli: “Ermənistan yeni bir qanlı səhifə açır”​​​​​​​

“Ermənistan bu gün səhər saatlarında dost və qardaş ölkə Azərbaycanın hərbi birləşmə və mövqelərinə, mülki vətəndaşlarına və obyektlərinə düşməncə hücum edib. Bu da Ermənistanın yeni bir qanlı səhifə açılması deməkdir”.

“Report” “Anadolu”ya istinadən xəbər verir ki, bunu Türkiyənin Millətçi Hərəkat Partiyasının (MHP) sədri Dövlət Bahçeli söyləyib.

“Yeganə qayəsi türk düşmənliyi olan Ermənistan və muzdlu yaraqlılarının türk milləti qarşısında duruş gətirməsi ehtimalı yoxdur”, - o vurğulayıb.