BMT QAK azərbaycanlı məcburi köçkünlərə hüquqi yardım xidmətləri göstərəcək

Birləşmiş Millətlər Təşkilatının (BMT) Qaçqınlar üzrə Ali Komissarlığının (QAK) ölkədəki Nümayəndəliyi Azərbaycanda məcburi köçkünlərə və münaqişədən təsirlənmiş digər şəxslərə hüquqi yardım və məsləhət xidmətlərinin göstərilməsi üçün tender elan edib.

“Report” xəbər verir ki, tender üçün təkliflərin təqdim edilməsinin son müddəti aprelin 2-sidir.

Bu fəaliyyət zamanı Dağlıq Qarabağdan və ona bitişik yeddi rayondan olan məcburi köçkünlərə hüquqi yardım və məsləhət xidmətlərindən istifadə etmək imkanı təmin ediləcək.