“Bayraktar” PUA-sının yaradıcısı Şuşa ilə bağlı paylaşım etdi

“Bayraktar TB2” pilotsuz uçuş aparatının yaradıcısı, Türkiyə Prezidenti Rəcəb Tayyib Ərdoğanın kürəkəni Səlcuq Bayraqdar Azərbaycana növbəti dəfə dəstək nümayiş etdirib.

“Report” xəbər verir ki, “Bayraktar TB2” pilotsuz uçuş aparatının yaradıcısı özünün feysbukdakı səhifəsində Şuşanın işğaldan azad edilməsi ilə bağlı paylaşım edərək 28 illik həsrətin başa çatdığını vurğulayıb.

“Şükürlər olsun 28 illik həsrəti ana Vətənə qovuşduran Rəbbimizə”, - Səlcuq Bayraqdar feysbukdakı səhifəsində yazıb.

O, paylaşımına Şuşanın şəklini də əlavə edib.