ANAMA: “Azərbaycan ərazilərinin minalardan təmizlənməsində daha çox yeniliklər tətbiq etməyi planlaşdırırıq”

“Azərbaycan Respublikası Minatəmizləmə Agentliyi (ANAMA) ərazilərin minalardan təmizlənməsi prosesində daha çox yeniliklər tətbiq etməyi planlaşdırır”.

“Report” xəbər verir ki, bunu ANAMA sədrinin müavini Samir Poladov bu gün Azərbaycanda akkreditə olunmuş diplomatik korpusun nümayəndələri üçün keçirilən brifinqdə deyib.

O bildirib ki, minalarla çirklənmiş ərazilərdə hər gün 1700-dən çox mütəxəssis işləyir: “Ərazilərin minalardan təmizlənməsinə 57 xüsusi texnika da cəlb olunub. Biz həmçinin minatəmizləmə işlərində süni intellektə malik dronlardan istifadə edilməsinə xüsusi diqqət yetiririk. Minatəmizləmə prosesində getdikcə daha çox yenilik tətbiq etmək üçün bu istiqamətdə işləri davam etdirəcəyik”.