AMEA: “Şuşa həbsxanasının ətrafında insan qalıqlarının olması ehtimalı var”

“Şuşa həbsxanası ərazisində aşkarlanan kütləvi məzarlığın ətrafında insan qalıqlarının olması ehtimalı var”.

Bu barədə “Report”un Şuşaya ezam olunmuş əməkdaşına açıqlamasında AMEA Arxeologiya, Etnoqrafiya və Antropologiya İnstitutunun elmi katibi Akif Quliyev deyib.

Onun sözlərinə görə, növbəti ekspedisiya zamanı yoxlama-tədqiqat işləri aparılacaq: “İnsan qalıqları aşkar olunarsa, bu barədə ictimaiyyətə əlavə məlumat veriləcək”.

Qeyd edək ki, avqustun 1-dən 15-dək aparılan qazıntı işləri nəticəsində Şuşa həbsxanası ərazisində 17 şəxsə aid ehtimal edilən insan qalıqları aşkarlanıb.