Ağdamda Xocalı faciəsinin 30-cu il dönümü ilə bağlı yürüş keçirilib

İşğaldan azad edilən Ağdam şəhərində Xocalı soyqırımının 30 ildönümü münasibətilə yürüş keçirilib.

"Report"un Qarabağ mərkəzinin verdiyi məlumata görə, yürüşdə Prezidentin Xüsusi Nümayəndəliyinin, Ağdamın tikinti və bərpasında iştirak edən şirkətlərin, hərbçilər və hüquq-mühafizə orqanlarının əməkdaşları, şəhid ailələri iştirak ediblər.

Yürüş Prezidentin Xüsusi Nümayəndəliyinin qərargahının qarşısından Ağdamın Şəhidlər Xiyabanına qədər davam edib. Şəhidlərin əziz xatirəsi yad olunub və ruhlarına dualar oxunub.

Qeyd edək ki, Ağdamın Şəhidlər Xiyabanı Xocalı faciəsi zamanı şəhid olan soydaşlarımızın əsas dəfn edildiyi məkan olub.