Qaxda buz qatına görə bağlanan yollarda avtomobillərin hərəkəti bərpa olunub - FOTOREPORTAJ

Qax. 16 dekabr. REPORT.AZ / Qax rayonunda dağ kəndlərinə gedən yollar buzdan təmizlənir.

"Report"un Şimal-qərb bürosunun məlumatına görə, səhər saatlarından etibarən Qax-İlisu-Sarıbaş, Qax-Şəki, Qax-Qaşqaçay-Armudlu, Qax-Ləkit-Ləkit-Kötüklü, Qax-Qorağan-Zaqatala yollarında hərəkət məhdudlaşıb. Yolların  qalın buz qatından təmizlənməsi üçün "Azəravtoyol" ASC tərəfindən yollara duz-qum qarışığı səpilib. Hazırda adıçəkilən yollarda avtomobillərin hərəkəti tam təmin olunub.

Qurumdan "Report"a verilən məlumata görə, "Azəravtoyol" ASC  balansında olan 242 kilometrlik  avtomobil yollarına 2 gün ərzində 250 kubmetr qum, 40 tona yaxın duz səpilib. Ümumi olaraq 100 tona yaxın duz ehtiyatı var.