Göyçay çayının məcrası dəyişdirilir - VİDEOREPORTAJ

Göyçay rayonunda eyni adlı çayın məcrası dəyişdirilir.

Qış və yaz aylarında sel suları çay yatağında bir sıra fəsadlar törədərək çayın üzərində körpülərin dağılması, əkin sahələrinə və yaşayış evlərinə ziyan vururdu. Artıq bir neçə aydır ki, mərhələli şəkildə çay yatağında əsaslı təmir işlərinə başlanılıb. Təmir işləri ilk mərhələdə 2100 metirlikdə aparılır.

Tikintinin iş icraçısı Ülfət Hətəmov "Report"un Şirvan bürosuna bildirib ki, çayın yatağı genişləndirilib, güclü sel suları zamanı yatağın yuyulmaması üçün 7 ədəd beton maneələr qoyulub: "Artıq bir neçə aydır ki, mərhələli şəkildə çay yatağında əsaslı təmir işlərinə başlanılıb. Təmir işləri ilk mərhələdə 2100 metirlikdə aparılır. Göyçay çayının məcrasının dəyişdirilməsi ilə bağlı aparılan təmir işləri zamanı çayın üzərində standartlara uyğun olaraq alternativ körpü inşa edilib".

Xatırladaq ki, ötən ilin iyun ayında sel suları nəticəsində Bakı-Şamaxı-Yevlax avtomobil yolunun Göyçay çayı üzərində yerləşən, 76.6 metr uzunluğa malik avtomobil körpüsünün bir hissəsi tamamilə uçmuşdu, körpü yararsız hala qalmışdı.

Məlumat üçün bildirək ki, Göyçay çayının uzunluğu 115 kilometr, hövzəsinin sahəsi 1770 kvadrat kilometrdir. Mənbəyini Böyük Qafqazın cənub yamacından 1980 metr yüksəklikdən götürən çay süni kanal vasitəsilə Kürə tökülür.