DYP şagirdlər üçün maarifləndirici tədbir keçirib - VİDEO

DYP şagirdlər üçün maarifləndirici tədbir keçirib - VİDEO Tərtər. 15 dekabr. REPORT.AZ/ Tərtər rayon Rövşən Səfərov adına Sarıcalı kənd orta məktəbində Baş Dövlət Yol Polisi İdarəsi Yol Patrul Xidməti Alayının 13-cu tağımının təşkilatçılığı ilə “Yol hərəkəti qaydaları” mövzusunda tədbir keçirilib.
Multimedia
2240
15 Dekabr , 2018 17:01
DYP şagirdlər üçün maarifləndirici tədbir keçirib - VİDEO

Tərtər. 15 dekabr. REPORT.AZ/ Tərtər rayon Rövşən Səfərov adına Sarıcalı kənd orta məktəbində Baş Dövlət Yol Polisi İdarəsi Yol Patrul Xidməti Alayının 13-cu tağımının təşkilatçılığı ilə “Yol hərəkəti qaydaları” mövzusunda tədbir keçirilib.

“Report”un Qarabağ bürosunun məlumatına görə, tədbirin keçirilməsində əsas məqsəd şagirdlərə təhlükəsiz davranış qaydalarını öyrətmək, eləcə də yol hərəkəti qaydaları barədə ətraflı məlumat vermək olub. 

Tədbirdə Yol Patrul Xidmətinin əməkdaşları, məktəbin pedaqoji kollektivi, şagirdlər və valideynlər iştirak ediblər.

Baş Dövlət Yol Polisi İdarəsi Yol Patrul Xidməti Alayının 13-cu tağımın komandiri Rövşən Albəndov şagirdlərə “Yol hərəkəti haqqında” qanunun tələbləri, nizam-intizam qaydalarına dair məlumatlar verib.

O, şagirdlərə yol hərəkətinə dair biliklərin öyrədilməsinin vacib olduğunu, şagirdlərin maariflənməsi, onların həyatlarının qorunması, yollarda təhlükəsiz davranış vərdişlərinin aşılanmasının mühüm olduğunu qeyd edib.

Tədbirdə şagirdlərin ifasında yol hərəkəti qaydaları ilə bağlı səhnəciklər nümayiş olunub.

Son xəbərlər

Orphus sistemi