Çimərlik futbolu üzrə Azərbaycan millisi "Bakı-2015"ə məğlubiyyətlə başlayıb - FOTOREPORTAJ

Bakı. 24 İyun. REPORT.AZ/ Azərbaycanın çimərlik futbolu üzrə yığma komandası "Bakı 2015" I Avropa Oyunlarına məğlubiyyətlə başlayıb.

"Report"un məlumatına görə, təşkilatçı ölkə millisi qrup mərhələsindəki ilk tur qarşılaşmasında Ukraynaya uduzub - 1:3.

Meydan sahiblərindən yeganə qolu Sabir Allahquliyev vurub. Qonaq komandanın heyətində ilk qola Oleq Zborobski imza atıb. Aleksandr Kornilçuk isə "dubl" edib. "A" qrupundakı ilk turun digər görüşündə Portuqaliya İsveçrəni yenib - 6:5.

Qeyd edək ki, Azərbaycan millisi 2-ci turda İsveçrəni, Ukrayna isə Portuqaliyanı sınağa çəkəcək.