Ziyafət Əsgərov: “Milli Məclis Dayanıqlı İnkişaf üzrə Milli Əlaqələndirmə Şurasına dəstək verməyə hazırdır”

Bakı. 25 dekabr. REPORT.AZ/ “Dünya təhdid içərisindədir. Hər bir ölkənin qapısını təhdidlər döyür. Bunların aradan qaldırılması üçün təhsil səviyyəsini artırmalıyıq”.

“Report”un xəbərinə görə, Azərbaycan Milli Məclisində (MM) “Dayanıqlı inkişaf məqsədlərinə nail olunmasında Parlamentin rolu” mövzusunda keçirilən tədbirdə MM sədrinin birinci müavini Ziyafət Əsgərov deyib.

Z.Əsgərov bildirib ki, bu problemlər aradan qaldırılmayacaqsa, terror da, digər arzuolunmaz hadisələr də baş verə bilər: “Azərbaycan Milli Məclisi Dayanıqlı İnkişaf üzrə Milli Əlaqələndirmə Şurasına dəstək verməyə hazırdır”.