Deputat: “Vətən müharibəsi könüllüləri ilə bağlı təkliflər paketi hazırlanmalıdır”

Azərbaycanda Vətən müharibəsində iştirak edən könüllülərlə bağlı təkliflər paketinin hazırlanması təklif edilib.

“Report”un xəbərinə görə, bu təkliflə deputat Əli Məsimli parlamentin bu gün keçirilən iclasında Azərbaycan Respublikasının İnsan hüquqları üzrə müvəkkilinin (ombudsmanın) illik məruzəsinin müzakirəsi zamanı çıxış edib.

O bildirib ki, müharibə veteranları ilə bağlı məsələ artıq öz həllini tapıb: “Ancaq könüllülərlə bağlı bəzi məsələlər açıq qalıb. Hesab edirəm ki, Vətən müharibəsində iştirak edən könüllülərlə bağlı təkliflər paketi hazırlanmalıdır”.