Yuxarı

Siyavuş Novruzov: "Rusiyada ayrı-ayrı deputatların fikirləri rus xalqının, dövlətinin mövqeyi ola bilməz"

© Report — Parlamentin İctimai birliklər və dini qurumlar komitəsinin sədri, hakim Yeni Azərbaycan Partiyası (YAP) icra katibinin müavini Siyavuş Novruzov

Bakı. 12 oktyabr. REPORT.AZ/ “Biz xarici siyasət məsələləri ilə bağlı həssas olmalıyıq. Ulu öndər Heydər Əliyev hakimiyyətə gəldikdən sonra qonşu dövlətlərlə münasibətləri tənzimlədi. Bu gün bu siyasət uğurla davam etdirilir. Təbii ki, bizi istəməyən qüvvələr aranı qatmağa çalışırlar”.

“Report” xəbər verir ki, bunu Milli Məclisin bu gün keçirilən plenar iclasında parlamentin İctimai birliklər və dini qurumlar komitəsinin sədri, hakim Yeni Azərbaycan Partiyası (YAP) İcra katibinin müavini Siyavuş Novruzov deyib.

O qeyd edib ki, Rusiyada ayrı-ayrı deputatların fikirləri rus xalqının, dövlətinin mövqeyi ola bilməz: “Onlar bu cür fikirlər söyləməklə ermənilərin diqqətini çəkməyə çalışırlar. Bir müddət əvvəl, İranda da bir neçə nəfər ortaya düşmüşdü, onlar da Azərbaycana qarşı aranı qatmaqla məşğul idilər. Bütün bu məsələlər dövlət səviyyəsində tənzimlənir”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi