Siyavuş Novruzov: "Qəbiristanlıqların bələdiyyələrə verilməsi ilə bağlı qərar icra olunmur"

“Nümunəvi qəbiristanlıqların bələdiyyələrə verilməsi ilə bağlı Nazirlər Kabinetinin qərarı var. Lakin onlar bələdiyyələrə verilməyib”.

“Report”un xəbərinə görə, bunu Milli Məclisin Regional məsələlər komitəsinin sədri Siyavuş Novruzov parlamentin bu gün keçirilən iclasında deyib.

Onun sözlərinə görə, əgər həmin qəbiristanlıqlar bələdiyyələrə verilərsə, Azərbaycanda nümunəvi qəbiristanlıqlar yaradıla bilər.