Seçicilərin məntəqəyə daxil olması ilə bağlı müddəa dəyişdirilir

Bakı. 8 noyabr. REPORT.AZ/ Azərbaycanda məntəqə seçki komissiyası üzvünün seçki məntəqəsinin girişində dayanaraq vətəndaşların seçici vəsiqələrini, şəxsiyyət vəsiqələrini və ya şəxsiyyəti təsdiq edən digər sənədləri yoxlaması ilə bağlı müddəanın qanunvericiklikdən çıxarılması təklif olunur.

“Report”un xəbərinə görə, bununla bağlı Seçki Məcəlləsinə dəyişiklik edilir.

Belə ki, məcəllədən 104.7-ci (Məntəqə seçki komissiyasının bir üzvü seçki məntəqəsinin girişində dayanaraq məntəqəyə daxil olan vətəndaşların seçici vəsiqələrini, şəxsiyyət vəsiqələrini və ya şəxsiyyəti təsdiq edən digər sənədləri yoxlamalıdır) bənd çıxarılır.