Sabir Rüstəmxanlı: “Sanki burada Milli Məclis hökumətə hesabat verir”

“Milli Məclisdə bir neçə dəfə səsləndirilib ki, hökumətin hesabatının müzakirəsinə çox az vaxt (1 gün) verilir. Bununla da təklifləri çatdırmaq mümkün deyil. Yeganə yol burada çıxış etməkdir”.

“Report”un xəbərinə görə, bunu Milli Məclisin deputatı Sabir Rüstəmxanlı parlamentin bu gün keçirilən iclasında Nazirlər Kabinetinin 2021-ci ildə fəaliyyəti haqqında hesabatın müzakirəsi zamanı deyib.

Onun sözlərinə görə, sanki burada hökumət Milli Məclisə yox, Milli Məclis hökumətə hesabat verir:

“Ona görə də mənə çıxış etmək üçün şərait yaradılsın”.

Milli Məclisin sədri Sahibə Qafarova isə deyib ki, S.Rüstəmxanlı sırada 29-cu yazılıb:

“Vaxt olsa, sizə söz verəcəyəm”.