Oqtay Əsədov: “Sosial şəbəkələri oxuyanda insan xəcalət çəkir”

Bakı. 1 fevral. REPORT.AZ/ “Sosial şəbəkələri oxuyanda insan xəcalət çəkir, nələr yazırlar… Milli Məclisin, dövlət rəhbərliyinin adına ağızlarına gələni yazırlar”.

“Report” xəbər verir ki, bunu Milli Məclisin bu gün keçirilən plenar iclasında parlamentin sədri Oqtay Əsədov deyib.

“Təhqirə yol verənlərin qarşısının alınmasını fikirləşməliyik. İnsanlar bilməlidirlər ki, mentalitet təhqirə yol vermir. Artıq hər şeydən keçiblər”, - spiker qeyd edib.