Yuxarı

Oqtay Əsədov QDİƏT Parlament Məclisinin 25-ci ildönümünə həsr olunan Spikerlərin görüşündə iştirak edəcək

Milli Məclisin sədri Oqtay Əsədov

Bakı. 14 may. REPORT.AZ/ Azərbaycan Milli Məclisinin sədri Oqtay Əsədov Qara Dəniz İqtisadi Əməkdaşlığı Təşkilatı (QDİƏT) Parlament Məclisinin 25-ci ildönümünə həsr olunan Spikerlərin görüşündə iştirak etmək üçün Türkiyənin İstanbul şəhərində səfərdədir.

Parlamentin mətbuat xidmətindən “Report”a verilən məlumata görə, tədbirdə QDİƏT PM-də nümayəndə heyətimizin başçısı, deputat Eldar Quliyev, parlament Aparatının rəhbəri Səfa Mirzəyev və digər rəsmi şəxslər də iştirak edəcəklər.

Spikerlərin Sammitinin açılış mərasimində Türkiyə Prezidenti Rəcəb Tayyib Ərdoğanın, Türkiyə Böyük Millət Məclisinin Sədri İsmayıl Qəhrəmanın çıxışları nəzərdə tutulub.

Görüş çərçivəsində parlament sədrlərinin Qara Dəniz İqtisadi Əməkdaşlığı Təşkilatının gələcək fəaliyyətində parlamentlərin rolu mövzusunda çıxışları gözlənilir.

Tədbirin sonunda qurumun 25 illiyi ilə əlaqədar Birgə Bəyanat imzalanacaq.

Səfər çərçivəsində Milli Məclis Sədrinin tədbirdə iştirak edən nümayəndə heyəti başçıları ilə bir sıra görüşləri baş tutacaq.

Səfər mayın 17-də başa çatacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi