Oqtay Əsədov Çinə səfərə gedib

Bakı. 20 iyun. REPORT.AZ/ Milli Məclisin Sədri Oqtay Əsədovun rəhbərliyi ilə parlament nümayəndə heyəti Ümumçin Xalq Nümayəndələri Yığıncağının sədri Li Canşunun dəvəti ilə iyunun 19-da Çin Xalq Respublikasına rəsmi səfərə gedib.

Bu barədə "Report"a MM-in mətbuat xidmətindən məlumat verilib.

Burada Ümumçin Xalq Nümayəndələri Yığıncağının rəhbərliyi və digər rəsmi şəxslərlə keçiriləcək görüşlərdə iki ölkə arasında münasibətlərin, o cümlədən parlamentlərarası əlaqələrin inkişafına dair müzakirələr aparılacaq.

Səfər iyunun 23-də başa çatacaq.