Nazir: "2021-ci ildə qarşıda duran vəzifə Qarabağın yenidən qurulmasıdır”

“Pandemiya digər ölkələr kimi Azərbaycana da təsir edib. Bununla əlaqədar 2020-ci ilin dövlət büdcəsinin gəlirləri azalıb”.

“Report” xəbər verir ki, bunu parlamentin bu gün keçirilən plenar iclasında maliyyə naziri Samir Şərifov deyib.

Onun sözlərinə görə, cari ildə Azərbaycan kifayət qədər sosial-iqtisadi problemlərlə üzləşib:

“Bu il həmçinin işğal altında olan torpaqlarımız işğaldan azad olunub. 2021-ci ildə qarşıda duran vəzifə Qarabağın yenidən qurulmasıdır”.