Milli Məclisin komitə sədri Moldovada seçkiləri müşahidə edəcək

Milli Məclisin Əmək və sosial siyasət komitəsinin sədri Musa Quliyev Moldovada keçiriləcək prezident seçkilərini müşahidə edəcək.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Qeyd edilib ki, Musa Quliyev Qara Dəniz İqtisadi Əməkdaşlıq Təşkilatı Parlament Məclisinin xətti ilə həyata keçiriləcək müşahidəçilik məqsədilə oktyabrın 18-də Kişineu şəhərinə yola düşəcək.

Komitə sədri seçki məntəqələrində aparılan hazırlıq işləri ilə yaxından tanış olacaq, səsvermə prosesini müşahidə edəcək.

Səfər oktyabrın 21-də başa çatacaq.