Əli Hüseynli: “Əminəm ki, deputatlar Heydər Əliyevin gördüyü işlərin təbliğində bu il daha fəal iştirak edəcəklər”

“Bu il Azərbaycanda Heydər Əliyev ili elan olunub. Əminəm ki, parlament üzvləri, xüsusilə də bizim komitənin deputatları müstəqil Azərbaycanın qurucusu Heydər Əliyevin gördüyü işlərin təbliğində bu il daha fəal iştirak edəcəklər”.

“Report” xəbər verir ki, bunu Milli Məclisin Hüquq siyasəti və dövlət quruculuğu komitəsinin iclasında komitə sədri, parlament sədrinin birinci müavini Əli Hüseynli çıxışı zamanı deyib.

Qeyd edək ki, Prezident İlham Əliyevin müvafiq sərəncamı ilə 2023-cü il “Heydər Əliyev ili” elan edilib.