Əcnəbi və vətəndaşlığı olmayan şəxsləri siyasi partiyaya üzv qəbul edənlər 5 min manatadək cərimə olunacaq

Azərbaycanda əcnəbi və vətəndaşlığı olmayan şəxsləri siyasi partiyaya üzv qəbul edənlər 5 min manatadək cərimə olunacaq.

"Report"un xəbərinə görə, bununla bağlı İnzibati Xətalar Məcəlləsinə dəyişiklik təklif edilir.

Dəyişikliklə əcnəbilərin və vətəndaşlığı olmayan şəxslərin siyasi partiyaya üzv qəbul olunmasına görə vəzifəli şəxslər 800 manatdan 1000 manatadək, hüquqi şəxslər isə 3 000 manatdan 5 000 manatadək cərimələnəcək.