Deputatlar Avronest PA-nın komitə iclaslarında iştirak edəcəklər

Milli Məclisin deputatları – Azər Kərimli, Tural Gəncəliyev, Vüqar Bayramov və Soltan Məmmədov Avronest Parlament Assambleyasının komitə iclaslarında iştirak etmək üçün noyabrın 12-də Belçika Krallığının Brüssel şəhərinə səfər edəcəklər.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Deputatlar qurumun Bürosunun, Siyasi, İnsan haqları və demokratiya, Enerji təhlükəsizliyi komitələrinin birgə iclaslarında iştirak edəcəklər, qaldırılacaq məsələlərə münasibət bildirəcəklər.

Səfər noyabrın 14-də başa çatacaq.