Deputat: Ölkə üzrə bir qadın icra nümayəndəsi belə yoxdur

Bir-iki kənd istisna olmaqla, ölkə üzrə icra nümayəndiklərində bir qadın icra nümayəndəsi belə yoxdur. Halbuki kəndi qadından daha yaxşı tanıyan şəxs ola bilməz.

“Report” xəbər verir ki, bu fikirləri Milli Məclisin Ailə, qadın və uşaq məsələləri komitəsinin sədr müavini Jalə Əliyeva deyib.

Onun sözlərinə görə, bəzən kəmiyyət arxasınca qaçırıq, amma keyfiyyət unudulur: “Elə dövlət qurumları var ki, orada kişilərin sayı çoxdur. Digər qurumlarda isə bu göstərici əksinədir. Bu da onu deməyə əsas verir ki, qadınlar sırf bacardığı sahədə işləmək istəyir. Təbii ki, bununla süni şəkildə kəmiyyət yaratmağa ehtiyac yoxdur. Hesab edirəm ki, rəhbər işçilər arasında qadınların olması daha yaxşı olardı”.