Bahar Muradova: "Fazil Mustafanın dedikləri yanlışdır"

Bakı. 1 oktyabr. REPORT.AZ/ Milli Məclis sədrinin müavini Bahar Muradova deputat Fazil Mustafanın “Azərbaycan universitetləri mütəxəssis yetişdirmir” fikrinə münasibət bildirib.

“Report”un xəbərinə görə, parlamentin bu gün keçirilən plenar iclasında çıxış edən B.Muradova F.Mustafının dediklərinin yanlış olduğunu qeyd edib.

Onun sözlərinə görə, təhsil müəssisələri normal mütəxəssis yetişdirməsəydi, başqa ölkələrdən Azərbaycana tələbələr gəlməzdi: “Hesab edirəm ki, həm sovet, həm də ondan sonrakı dövrdə Azərbaycanda təhsil alaraq öz ölkələrindən nüfuz sahibi olan şəxslər var. Ona görə də Fazil Mustafanın dedikləri yanlışdır”.