Yuxarı

Bahar Muradova: "Azərbaycan nümayəndə heyəti ATƏT PA-nın sessiyasında Dilqəm Əsgərov və Şahbaz Quliyev məsələsini də qaldıracaq"

© Report — Milli Məclis sədrinin müavini, parlamentin İnsan hüquqları komitəsinin sədri Bahar Muradova

Bakı. 3 oktyabr. REPORT.AZ/ “Azərbaycan nümayəndə heyəti ATƏT Parlament Assambleyasının Qırğız Respublikasında keçiriləcək sessiyasında iştirak etmək üçün bu ölkəyə yola düşüb. Onlar sessiyada Ermənistan silahlı qüvvələri tərəfindən işğal olunmuş Kəlbəcər rayonunda ata-analarının qəbirlərini ziyarət edərkən girov götürülmüş Dilqəm Əsgərov və Şahbaz Quliyevin azad edilməsi ilə bağlı məsələni də qaldıracaqlar. Təbii ki, konkret mexanizmlər və real təsirlər olmadan səsləndirilən fikirlər divarlar arasında qalır. Bununla belə, hesab edirəm ki, məsələnin gündəlikdən düşməsinə imkan vermək olmaz”.

“Report” xəbər verir ki, bunu Milli Məclis sədrinin müavini Bahar Muradova deyib.

O bildirib ki, sona qədər bu məsələ diqqət mərkəzində saxlanılacaq: “Təkcə o insanların deyil, öz ölkəsində hərəkət imkanları məhdudlaşdırılan insanların da öz doğma yurdlarına qayıdışının təmin edilməsi üçün ciddi qərarların qəbul olunmasına çalışmaq lazımdır”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi