Azərbaycanın kosmik fəaliyyətinin prinsipləri məlum olur

Azərbaycanın kosmik fəaliyyətinin prinsipləri müəyyənləşir.

"Report"un xəbərinə görə, bu, Milli Məclisin bu gün keçirilən iclasında I oxunuşda müzakirəyə çıxarılan “Kosmik fəaliyyət haqqında” yeni qanun layihəsində əksini tapıb.

Layihəyə əsasən, kosmik fəaliyyət aşağıdakı prinsiplər əsasında həyata keçiriləcək:

- kosmik fəzadan sülh naminə istifadə edilməsi;

- milli maraqların qorunması;

- kosmik resurslardan səmərəli istifadə olunması;

- milli fəaliyyətə dövlət tərəfindən nəzarət edilməsi;

- kosmik fəaliyyətin və kosmik sənayenin təhlükəsizliyi, kosmik tullantıların ətraf mühitə təsirinin azaldılması.

Yeni qanun layihəsi müzakirələrdən sonra səsverməyə çıxarılaraq I oxunuşda qəbul edilib.