Azərbaycanda tibbi tullantıların idarəolunması ilə bağlı fəaliyyət planı hazırlanır

Azərbaycanda tibbi tullantıların idarəolunmasında fəaliyyət planının təqdimatı nəzərdə tutulur.

“Report” xəbər verir ki, bunu Milli Məclisin Səhiyyə komitəsinin üzvü Soltan Məmmədov parlamentdə “Tibbi tullantıların idarə olunması” mövzusunda keçirilən ictimai dinləmədə deyib.

O bildirib ki, bəzi tibb müəssisələri tullantıları keyfiyyətli formada zərərsizləşdirmir: “Bəzən tibbi tullantıların MTK tərəfindən bərk məişət tullantıları ilə birgə daşınması faktları var. Ümumilikdə, tibbi tullantıların idarəolunmasında müəyyən çətinliklər mövcuddur. Qurumlar arasında koordinasiya daha dəqiq müəyyən olunmalıdır. Bu sahə üzrə monitorinq yoxlamalarının gücləndirilməsinə ehtiyac var”.