Azərbaycanda sığorta stajı barədə tələb yumşaldılacaq

Növbəti ildə Azərbaycanda sığorta stajı barədə tələb yumşaldılacaq.

"Report" xəbər verir ki, bunu Milli Məclisin Əmək və sosial siyasət komitəsinin sədri Musa Quliyev parlamentdə “Azərbaycan Respublikasının 2024-cü il dövlət büdcəsi haqqında” qanun layihəsinin müzakirəsində deyib.

Komitə sədri bildirib ki, İşsizlikdən Sığorta Fondunun gəlirlərinin 179,98 milyon manatı, yaxud 75,6%-i işsizlikdən sığorta haqları üzrə yığımın, 57,95 milyon manatı, yaxud 24,4%-i isə cari ilin sonuna qədər istifadə olunmamış vəsait hesabına formalaşacaq: "Sığorta haqları üzrə yığımın 74,8%-i qeyri-büdcə sektorunun payına düşəcək".