Azərbaycanda alzheimer xəstəliyindən əziyyət çəkənlərlə bağlı sosial proqramın hazırlanması təklif edilib

Azərbaycanda alzheimer xəstəliyindən əziyyət çəkənlərlə bağlı sosial proqramın hazırlanması təklif edilib.

“Report” xəbər verir ki, bu təkliflə parlamentin Ailə, qadın və uşaq məsələləri komitəsinin sədri Hicran Hüseynova Milli Məclisin bugünkü plenar iclasında çıxış edib.

O qeyd edib ki, dünyada 2050-ci ildə alzheimer xəstələrinin sayının 139 milyona çatacağı gözlənilir:

“Dünyada hər il 10 milyona yaxın insan bu xəstəlikdən əziyyət çəkir. Azərbaycanda isə bunun statistikası yoxdur. Bu xəstəlikdən əziyyət çəkənlərlə bağlı gələcəkdə sosial proqramın hazırlanacağına inanıram”.