Azərbaycan və Belarus Müdafiə nazirlikləri arasında müqavilə sənədi Milli Məclisdə müzakirəyə çıxarılır

“Azərbaycan Respublikas Müdafiə Nazirliyi ilə Belarus Respublikasının Müdafiə Nazirliyi arasında ikitərəfli əməkdaşlığın həyata keçirilməsi zamanı məxfi informasiyanın qarşılıqlı ötürülməsinə dair” Müqavilənin təsdiq edilməsi barədə sənəd Milli Məclisdə müzakirəyə çıxarılır.

“Report”un əldə etdiyi məlumata görə, sənəddə tərəflər məxfi informasiyanın mühafizəsi üzrə öhdəliklər götürüblər.

Sənəddə məxfi informasiyanın istifadəsi və işlənilməsi şərtləri və s. məqamlar öz əksini tapıb.