Asəf Hacıyev: “Gürcüstan nümayəndə heyənin təcili Bakıdan geri qayıtması qonşu ölkədə gözlənilməz hadisələrin baş verməsi ilə bağlıdır”

“Qara Dəniz İqtisadi Əməkdaşlıq Təşkilatının (QDİƏT) Parlament Məclisinin Baş Assambleyasının 53-cü iclasında iştirak edən Gürcüstan nümayəndə heyətnin təcili geri qayıtması qonşu ölkədə gözlənilməz hadisələrin baş verməsi ilə bağlıdır”.

“Report” xəbər verir ki, bunu Assambleyanın baş katibi, millət vəkili Asəf Hacıyev deyib.

“Gürcüstan parlamentinin spikeri Azərbaycana rəsmi səfərini dayandırdı və ölkəsinə geri qayıtdı. Başa düşməliyik ki, hazırda orada vəziyyət xeyli mürəkkəbdir. Problem məhz parlamentdədir. Gürcüstan bizim üçün dost və qardaş ölkədir. Arzu edirəm ki, qısa müddətdə orada olan gərginlik aradan qaldırılsın”, - A.Hacyev əlavə edib.