“Ana harayı” abidəsi ziyarətinin rəsmi protokola daxil edilməsi təklif olunur

Milli Məclisin deputatı Elman Məmmədov “Ana harayı” abidəsi ziyarətinin rəsmi protokola daxil edilməsini istəyib.

“Report”un məlumatına görə, o, belə bir təkliflə Milli Məclisin bu gün keçirilən plenar iclasında çıxışı zamanı çıxış edib.

Deputat xatırladıb ki, Bakı şəhərinin Xətai rayonunda Xocalı soyqırımına həsr olunan “Ana harayı” abidəsi var: "Həmin abidəni ziyarətin rəsmi protokola daxil edilməsi təklifini irəli sürürəm. Azərbaycanda səfərdə olan xarici ölkələrin, beynəlxalq qurumların, nümayəndəliklərin həmin abidəni ziyarət etməsi üçün tədbirlər görülsün. Bu abidənin ziyarət olunması məqsədəuyğun olar”.