"Sərhədsiz reportyorlar": Bu il dünyada 74 jurnalist həlak olub

Bakı. 19 dekabr. REPORT.AZ/ Bu il dünyada azı 74 jurnalist həlak olub.

"Report" "İnterfaks"a istinadən xəbər verir ki, bu barədə "Sərhədsiz reportyorlar" təşkilatının məlumatında bildirilib.

Ən çox jurnalistin həlak olduğu ölkə keçən il olduğu kimi, Suriya olub - 19 nəfər. 10 jurnalist Əfqanıstanda, doqquzu Meksikada, yeddisi İraqda, beşi isə Yəməndə həyatını itirib.

Bundan başqa, hüquq müdafiəçilərinin hesabatına görə, 2016-cı ildə həlak olanlar arasında 9 blogger və KİV ilə əməkdaşlıq edən 8 nəfər olub.

Qeyd edək ki, 2015-ci illə müqayisədə ölən jurnalistlərin sayı azalıb. Keçən il bu göstərici 101-ə bərabər idi.