Yuxarı

Özbəkistan mətbuatında AİHM-də azərbaycanlı qaçqınların işi ilə bağlı məqalə dərc edilib

Sharh.uz: Məhkəmə öz qərarı ilə Dağlıq Qarabağ, habelə Laçın və ətraf rayonların işğalını təsdiq edib

Bakı. 13 iyul. REPORT.AZ/ Özbəkistanın “sharh.uz” analitik xəbər saytı "Avropa İnsan Hüquqları Məhkəməsi Dağlıq Qarabağ məsələsində insan hüquqlarına dair qərar çıxardı" adlı məqalə yerləşdirib.

Azərbaycanın Özbəkistandakı səfirliyi yanında Mədəniyyət Mərkəzindən "Report"a verilən məlumata görə, jurnalist Şərafiddin Tulaqanovun müəllifi olduğu məqalədə Azərbaycanın Ermənistan tərəfindən işğal altında olan Laçın rayonundan məcburi köçkün düşən altı vətəndaşın Avropa İnsan Hüquqları Məhkəməsinə müraciətindən bəhs edilir.

Qeyd edilir ki, Məhkəmə öz qərarı ilə Dağlıq Qarabağ, habelə Laçın və ətraf rayonların işğalını təsdiq edib.

Məqalədə, eyni zamanda, Azərbaycanın xarici işlər naziri Elmar Məmmədyarovun fikirlərinə də yer verilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi