"Cümhuriyyət üçün yaz və qazan" müsabiqəsinin qalibləri mükafatlandırılıb

Bakı. 11 iyun. REPORT.AZ/ Azərbaycan Xalq Cümhuriyyətinin 100 illiyinə həsr edilən "Cümhuriyyət üçün yaz və qazan" yazı müsabiqəsinin qaliblərinin mükafatlandırma mərasimi keçirilib.

"Report"un xəbərinə görə, tədbirdə çıxış edənlər müsabiqənin təşkilini yüksək qiymətləndiriblər.

"Azər Türk" Qadınlar Birliyinin sədri Tənzilə Rüstəmxanlı deyib ki, bu cür tədbirlərin keçirilməsi vacibdir.

Qeyd edək ki, "Yeni Çağ" Media Qrupunun təşkil etdiyi müsabiqəyə, ümumilikdə, 1205 nəfər qatılıb. Qaliblər müvafiq olaraq 50, 100, 300. 500, 1000 manat pul mükafatı qazanıblar. Bundan başqa, mövzu ilə bağlı "Facebook" sosial şəbəkəsində ən yaxşı status yazan 3 iştirakçı da mükafatlandırılıb.