“Report”un əməkdaşı ADU-nun tələbələri ilə ekstremal jurnalistika təcrübələrini bölüşüb

Bu gün Azərbaycan Dillər Universitetində (ADU) “Report” İnformasiya Agentliyinin redaktoru İsmayıl Nəsibli ilə universitetin jurnalistika ixtisası üzrə təhsil alan I və III kurs tələbələri arasında görüş keçirilib.

“Report”un xəbərinə görə, Azərbaycan ədəbiyyatı kafedrasının müəllimi, filologiya üzrə fəlsəfə doktoru Aynurə Hüseynovanın təşəbbüsü ilə baş tutan görüşdə İ.Nəsibli çalışdığı Agentliyin fəaliyyəti haqqında məlumat verib.

O, ekstremal jurnalistika, o cümlədən hərbi jurnalistika, habelə kriminal, eləcə də məhkəmə xəbərlərinin hazırlanması sahəsində informasiyanın əldə olunması, xəbərin yazılması və jurnalistin qarşılaşdığı problemlərin həlli ilə bağlı məsələlər haqqında ətraflı danışıb.

Sonda jurnalist tələbələrin suallarını cavablandırıb.