Oktyabrda sosial şəbəkələrdə ən çox reaksiya görən dövlət qurumlarının paylaşımları açıqlanıb

Media Təhlil Mərkəzi oktyabr ayı üzrə “Dövlət qurumlarının sosial şəbəkələrdə aktivlik indeksi” hesabatını açıqlayıb.

“Report”un hesabat əsasında apardığı təhlilə görə, oktyabrda “Facebook” sosial şəbəkəsində dövlət qurumlarının paylaşımları arasında ən çox reaksiya toplayan (total interactions) Müdafiə Nazirliyin Azərbaycan Prezidenti İlham Əliyevin Xankəndi şəhərindəki nitqi ilə bağlı paylaşımıdır.

“Instagram” sosial şəbəkəsində ən çox reaksiya toplayan Daxili İşlər Nazirliyinin Azərbaycan polisi ilə bağlı paylaşımıdır.

“X” sosial şəbəkəsində ən çox reaksiya toplayan Prezident İlham Əliyevin rəsmi “X” hesabında Türkiyənin Cümhuriyyət günü, Xankəndi və Ağdərə şəhərlərində, Sərsəng su anbarının ərazisində Azərbaycan Dövlət Bayrağının ucaldılması ilə bağlı paylaşımlar olub.