Naxçıvanın rəsmi qəzetinə baş redaktor təyin olunub

“Şərq qapısı” qəzetinə yeni baş redaktor təyin olunub.

"Report"un yerli bürosu xəbər verir ki, bununla bağlı Naxçıvan Muxtar Respublikası Ali Məclisi sədrinin müavini Anar İbrahimov sərəncam imzalayıb.

Sərəncamla Sara Nurəddin qızı Əzimova “Şərq qapısı” qəzetinin baş redaktoru vəzifəsinə təyin olunub.

Qeyd edək ki, bundan öncə sözügedən qəzetin baş redaktoru Mehriban Sultanova idi. O, ötən ay vəzifədən azad edilib.